AFFA-nın Apellyasiya Arbitraj Tribunalının toplantısı keçirilib.
Sportinfo.az xəbər verir ki, burada “Neftçi-2”nin futbolçusu Həbib İsmayılov barəsində verilən qərardan şikayətə baxılıb.
Tribunal “Neftçi”nin apellyasiya şikayətini təmin etməyib:
“11 mart 2025-ci il tarixdə Əvəzedicilər Liqasında XXVI tur çərçivəsində keçirilən “Neftçi-2” – “Turan Tovuz-2” oyununun 90+5-ci dəqiqəsində “Neftçi-2” komandasının 80 nömrəli futbolçusu Həbib İsmayılov təcavüzkar davranışa görə birbaşa qırmızı vərəqə aldığı üçün futbolçunun 4 oyun cəzalanması və klubun isə 300 AZN məbləğində cərimə olunması (qüvvədə olan AFFA İntizam Məcəlləsinin 40.3-cü maddəsi) barədə AFFA İntizam Komitəsinin 13 mart 2025-ci il tarixli qərarı qüvvədə saxlanılsın.
3. Apellyasiya Arbitraj Tribunalının qərarından Lozannadakı (İsveçrə) İdman üzrə Arbitraj Məhkəməsinə (CAS) şikayət verilməsinin mümkünlüyü maraqlı tərəflərə izah edilsin”.
