Premyer Liqanın 25-ci turunun son oyunu “Neftçi”nin futbolçusu Emin Mahmudov üçün əlamətdar olub.
Sportinfo.az PFL-in saytına istinadən xəbər verir ki, “Kəpəz”lə səfərdəki görüşün start heyətində yer alan 33 yaşlı yarımmüdafiəçi Azərbaycan çempionatlarında 200-cü oyununu keçirib.
O, yubiley matçına qədər 43 qola imza atıb.
Emin Premyer Liqada yalnız bir klubun – “Neftçi”nin formasını geyinib. Azərbaycan çempionatları tarixində “ağ-qara” formada 200 matç keçirən ilk oyunçudur.
Yarımmüdafiəçi Premyer Liqadakı oyun sayında komandasının rekordçusudur.
Mahmudov Premyer Liqada 2017/18 mövsümündə debüt edib. O, 2017-ci ilin sentyabrın 24-də səfərdə “Qəbələ”yə qarşı (1:2) forma geyinib.
.jpg)
