“Yaxşı nəticə qazandığımızı deyə bilərəm. 2 xal itirdik deməzdim, əksinə, 1 xal əldə etdik”.
“Kəpəz”in legioneri Dioqo Verdaşka Sportinfo.az-a açıqlamasında “Araz-Naxçıvan”la oyunu şərh edib.
“Liv Bona Dea Arena”da baş tutan qarşılaşmada hər iki komandanın qol imkanları olsa da, topa dəqiq zərbə endirən tapılmadı.
Bu mənada xüsusən ikinci hissədə əla imkanları boşa verən Naxçıvan təmsilçisini qeyd etmək yerinə düşər.
Portuqaliyalı müdafiəçi 1 xalı xoş nəticə saymaqla yanaşı, Premyer Liqa barədə xoş fikirlər səsləndirib:
“Əlbəttə, indiki vəziyyətdə bizə qələbə vacibdir. Lakin bu baş verməyəndə, heç-heçə barədə düşünürük.
Əsasən də qol buraxmadan bərabərə qalmaq xoş haldır. Özünüz də gördünüz ki, oyun gərgin keçirdi, ikili mübarizələr çox olurdu.
Ümumiyyətlə, Azərbaycan Premyer Liqasında oynayırsansa, döyüşkən olmalısan.
Şəxsən bunu çox bəyənirəm, mənə uyğundur. Bütün komandalar bir-birinə qarşı amansız davranır”.
“Araz-Naxçıvan”la heç-heçədən sonra xalların sayını 18-ə yüksəldən “Kəpəz” sonuncu pillədə yer alan “Səbail”i 2 xal qabaqlayır.
HƏBİB
