"Neftçi" qış üçün növbəti transferini gerçəkləşdirib.
Klubun mətbuat xidməti Sporinfo.az-ın yaydığı xəbəri rəsmi surətdə təsdiqləyib (https://www.sportinfo.az/idman_xeberleri/neftci/214136.html).
"Ağ-qaralar" heyətini Bassala Sambu ilə gücləndirib. Seneqal əsilli ingiltərəli hücumçunun son klubu Kiprin "Paralimni"si olub.
9 nömrəli formanı geyinəcək 27 yaşlı futbolçu ilə 1,5 illik müqavilə bağlanıb.
Karyerasına İngiltərədə başlayan Sambu “Koventri”nin yetirməsidir. O, 2017-ci və 2019-cu illərdə “Everton”la 23 yaşadək futbolçular arasında keçirilən İngiltərə Premyer Liqasının çempionu olub.
Ölkə xaricində 2021-ci ildə icarə əsasında oynadığı “Randers”lə Danimarka kubokunu qazanıb. Bu mövsüm 21 matça çıxaraq 5 qol vurub və 1 qolun ötürməsini edib.
Daha öncə "Neftçi" Ryonosuke Ohori və Ervin Camalovu transfer edib.
_3.jpg)
