“Neftçi”nin çempionat yolu ilə avrokuboklara vəsiqə qazanmaq şansı yox dərəcəsinə endi.

“Sabah” və “Araz-Naxçıvan”la görüşlərdə itirlən 5 xalın nəticəsində “ağ-qaralar”ı 4-cü sıradakı “Turan Tovuz”dan 17 xal ayırır.

Bu fərqi aradan qaldırmaq üçün möcüzə baş verməlidir ki, bölgə təmsilçisinin çalışdırıcısı Kurban Berdıyev, yaxud 3-cü yerdəki “Zirə”nin baş məşqçisi Rəşad Sadıqov çətin buna imkan verə.

Vəziyyət olduqca qəlizləşib. Hazırda “Neftçi”ni sonuncu yerin sahibi “Kəpəz”dən cəmi 4, 9-cu sıradakı “Səbail”dən 3, 8-ci pillədəki “Şamaxı”dan 1 xal ayırır.

Növbəti rəqib isə məhz “Şamaxı”dır.

Bakılılar bu gün şamaxılılara boyun əyəcəyi halda, 7-ci yer də əldən çıxacaq. “Səbail”də Tovuzda qələbə qazana bilsə, “Neftçi”ylə xalları bərabərləşəcək. Bununla da “ağ-qaralar” faktiki son 3 pillənin birində yer alacaq.

Ölkənin ən köklü klubu özünü bundan də betər hala salmamaq üçün “Şamaxı” səddini başıuca keçməklə “Sumqayıt”ı yaxalamaq, “Sabah”a yaxınlaşmaq üçün mübarizə aparmalıdır.

Hətta heç-heçə belə, Samir Abasovun komandasını təhlükəli yerlərdən xilas etməyəcək.

Bir şey də var ki, “Neftçi” cari mövsümdə “Şamaxı”ya bata bilməyib. İlk dövrədə bölgədə keçirilən qarşılaşmadan qol səsi çıxmayıbsa, ikinci dövrədə Bakıda 2:2 hesabı qeydə alınıb.

Görək, Ayxan Abbasov genişlənmiş heyətlə adlı-sanlı rəqib üçün hansı sürprizi hazırlayıb.

Bu oyunun start fitini həvəslə gözləməyə dəyər.

“Neftçi Arena”da gerçəkləşəcək matç saat 18:30-da başlayacaq.

HƏBİB / SPORTİNFO.AZ