"Azərbaycanda çıxış edən ən yaxşı futbolçu Olavio Juninyo idi. O da "Qarabağ"dan getdi”.
Sportinfo.az xəbər verir ki, bunu "Neftçi"nin medafiəçisi Yuri Matias deyib.
29 yaşlı braziliyalı Avropa Liqasının Liqa mərhələsinin “Qarabağ” - FCSB matçı ilə bağlı danışıb.
Ölkəmizdə ikinci mövsümünü keçirən “sambaçı” Ağdam təmsilçisinin bir neçə oyunçusunu xüsusi fərqləndirib:
“Burada yaxşı oyunçular çoxdur. Abdullah Zubir, Julio Romao və Marko Yankoviç kollektivdə mühüm rol oynayırlar".
Avropa Liqasının Liqa mərhələsinin VII turunun "Qarabağ" - FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək.
Turnir cədvəlində Azərbaycan çempionu 3 xalla 33-cü, FCSB 11 xalla 10-cu sıradadır.
