“Samir Abasov üçün çox yaxşı imkanlar yaradılıb.
Qış transfer dönəmində də ediləcək transferlərlə bunun şahidi ola bilərik.
Klub rəhbərliyinin göstərdiyi etimada baxmayaraq, mütəxəssisdən ötən 2 ay ərzində hələ də fərqli iş görə bilməmişik.
Bütün bunların fonunda isə o, mətbuat nümayəndəsinin verdiyi suala lağlağı yanaşaraq, 22 mart tarixini hədəf göstərib.
Ağlamalı yerdə gülməzlər. Deyəsən, Samir müəllim “Neftçi”dəki ilk dönəmindən lazımı nəticələr çıxara bilməyib.
Bu açıqlama, lağlağılıq “Neftçi” kimi böyük camiəyə rəhbərlik edən baş məşqçiyə heç yaraşmır”.
Bu açıqlama ilə “Sportinfo TV”nin aparıcı eksperti Elçin Cəfərov çıxış edib.
Tanınmış jurnalist paytaxt klubunda cərəyan edən son hadisələrə toxunub, baş məşqçi Samir Abasovun son mətbuat konfransında komandasının çıxışına və ictimaiyyətə qeyri-ciddi yanaşması ilə bağlı açıqlamasını tənqid edib.
Bildirib ki, “Neftçi” rəhbərliyinin etimadını kölgəyə salan çalışdırıcıya gələn ilin 22 mart tarixində mövcud durumu xatırladıb, hesabat təələb edilməlidir.
VİDEONU BU LINKƏ DAXİL OLARAQ İZLƏYİN
