Bu gün Premyer Liqanın 18-ci turu çərçivəsində səfərdə “Turan Tovuz”la qarşılaşacaq “Neftçi” oyunöncəsi son məşqə çıxıb.
Sportinfo.az klubun mətbuat xidmətinə istinadən xəbər verir ki, “Neftçi” Futbol Mərkəzində baş tutan hazırlıq prosesində zədəli Emin Mahmudov iştirak etməyib.
Zədədən sonra bərpa dövründə olan Rafael Quzzo, Rəhman Hacıyev və Dembo Darbo isə fərdi məşqlə kifayətləniblər.
Əvəzində, zədədən sonrakı bərpa prosesini geridə qoyan Robert Bauer komanda ilə birlikdə məşq edib.
Hazırlıq prosesindən sonra “Neftçi” Tovuza yola düşüb.
“Turan Tovuz” - “Neftçi” oyunu 16:00-da start götürəcək.
