“Neftçi” Premyer Liqanın 14-cü turunda qələbəsizlik seriyasına son qoydu.
Samir Abasovun gəlişindən sonra 10-cu turda “Səbail”i 3:1 hesabı ilə udan “ağ-qaralar” növbəti 3 görüşdə “Sabah” və “Şamaxı” ilə bərabərə qalıb, “Araz-Naxçıvan”a boyun əymişdi.
Nəhayət, “Zirə”ylə oyunda qalib gələn bakılılar (2:1) 35 gündən sonra qələbə həsrətinə son qoydu. Həm də doğma meydanında – “Neftçi Arena”da.
Bu, matçın əvvəlindən sonuna qədər susmaq bilməyən “Forza Neftçi” üçün əla fürsət idi. Odur ki, Kamal Buludlunun final fitindən sonra komanda üzvlərinin tribunanın qarşısına gəlməsini gözləyən fanatlar qələbəni onlarla birlikdə qeyd etdi.
Şərqilər səsləndirdilər, futbolçular birgə atılıb-düşdülər, bir sözlə, 5 həftədən sonra gələn qalibiyyətin sevincini doyunca yaşadılar.
HƏBİB / SPORTİNFO.AZ
Həmin anların görüntüsünü təqdim edirik:
