"Neftçi" Premyer Liqanın XIV turunda qalib gəlib.
Sportinfo.az xəbər verir ki, paytaxt təmsilçisi "Neftçi Arena"da baş tutan qarşılaşmada "Zirə" üzərində 2:1 hesablı qələbə qazanıb.
Hesabı meydan sahiblərindən 28-ci dəqiqədə Filip Ozobiç açıb. İssa Cibrila 51-ci dəqiqədə "status-kvo"nu bərpa edib.
68-ci dəqiqədə adını tabloya yazdıran Emil Səfərov isə "Neftçi"nin qələbə qoluna imza atıb.
Yayda 350 min manat təzminat qarşılığında “Qəbələ”dən transfer olunan yarımmüdafiəçi təqribən 30 metr məsafədən gözəl zərbəylə fərqlənib.
Samir Abasovun rəhbərlik etdiyi kollektiv bu qələbə sayəsində xallarının sayını 13-ə çatdırıb. "Zirə"nin isə 20 xalı var.
