"Neftçi" Premyer Liqanın 12-ci turunda "Araz-Naxçıvan"ı qonaq edəcək.
Uğurlu mövsüm keçirən Muxtar respublika təmsilçisi ilə görüşə "ağ qaralar" ciddi itkilərlə çıxacaq.
Belə ki, zədədən əziyyət çəkən Filip Ozobiç, Andrey Şinyaşiki, Azər Salahlı və Rəhman Hacıyevə Alfa Konte və Mustafa Sek də qoşulub.
Adıçəkilənlərin qarşılaşmanı buraxacağı dəqiqdir.
Son turda "Sabah"la matçın 72-cu dəqiqəsində zədələnərək meydanı tərk edən Rafael Quzzonun durumu isə sual altındadır. Həkimlər portuqaliyalı ilə bağlı yekun qərarı oyun günü verəcək.
Xatırladaq ki, "Neftçi Arena"da keçiriləcək "Neftçi" - "Araz-Naxçıvan" görüşü 1 noyabr, 20:30-da start götürəcək.
XANOĞLAN/ SPORTİNFO.AZ
