AFFA “Neftçi”nin legioneri Edvin Kuçu cəzalandırıb.
Sportinfo.az xəbər verir ki, belə qərar İntizam Komitəsinin bugünkü iclasında qəbul edilib.
31 yaşlı yarımmüdafiəçi Premyer Liqanın 10-cu turunda “Səbail” oyunun 81-ci dəqiqəsində rəqibi aşkar qol imkanından məhrum edib.
Monteneqrolu birbaşa qırmızı vərəqə alıb, buna görə də 1 oyunluq cəzalanıb. Onun bu hərəkətinə görə klubu 1000 manat cərimə edilib.
Sözügedən oyunda "Neftçi" "Səbail"ə 3:1 hesabı ilə qalib gəlib. Bu, paytaxt təmsilçisinin cari mövsümdə ilk qələbəsi olub.
