Samir Abasovun gəlişindən sonra əvvəlki dönəmlərdəki baş məşqçilərin köməkçiləri olmuş Sənan Qurbanovla Emil Babayevin “Neftçi”dən ayrılacaqları haqda xəbər yayılıb.
Hətta hər iki mütəxəssisin karyerasını “Sumqayıt”da davam etdirəcəyi bildirilir.
Bəli, adları çəkilən mütəxəssislər “kimyaçılar”dan təklif alıb. Sənan Qurbanov Pro kateqoriyası olduğuna görə Vaqif Cavadova lazımdır, Emil Babayev isə böyük təcrübəyə sahib olduğu üçün.
Lakin Qurbanovla Babayev “Sumqayıt”a “hə” deməyiblər. Çünki “Neftçi” ilə mövsümün sonuna qədər müqavilələri var və maya qədər orada çalışmaq hüququna sahibdirlər.
Hətta təklifləri olsa belə, onlar ilk növbədə “Neftçi”ylə ortaq məxrəcə gəlməlidir.
Odur ki, məsələnin həllini çox vaxt aparacaq. Vaqif Cavadov isə yəqin ki, o vaxta qədər köməkçilərini müəyyənləşdirəcək.
HƏBİB / SPORTİNFO.AZ