Bu gün «Neftçi»də toplantı keçiriləcək.
Yığıncaq saat 12:00-a təyin olunub.
komandadaxili iclasda yeni baş məşqçi Samir Abasov futbolçulara təqdim ediləcək. Günorta saatlarında isə o, kollektivi ilk məşqə çıxaracaq.
«Ağ-qaralar» bugünlərdə Roman Qriqorçukla vidalaşıb. İyunun 26-da sükan arxasına keçmiş ukraynalı fəaliyyətinin 100-cü günündə vəzifədən alınıb.
Onunla 2 illik müqaviləyə qarşılıqlı razılıq əsasında xitam verilib.
Əsas kifayət qədər ciddidir - komanda rəhbərlik tərəfindən hər cür qayğı ilə əhatə olunsa da, Qriqorçuk Premyer Liqanın ilk dövrəsində 1 qələbə qazana bilməyib.
«Neftçi» 9 tur ərzində 5 xal toplayıb və turnir cədvəlinin doqquzuncu pilləsində qərarlaşıb.
SPORTİNFO.AZ
