Roman Qriqorçuk bu ilin iyununda sükanı arxasına keçdiyi «Neftçi»dən ayrılmaq fikrindədir.
Bu barədə redaksiyamıza yeni məlumat daxil olub.
Əldə ediyimiz informasiyaya görə, ukraynalı baş məşqçi postundan istefa vermək niyyətində olmasını klub funksionerlərinin diqqətinə çatdırıb.
O, dünən Premyer Liqanın ilk dövrəsinin «Kəpəz»lə son matçının ardından bununla bağlı mövqeyini dilə gətirib. Tovuzda qeydə alınan 3:4 hesablı məğlubiyyətin təsirlənən çalışdırıcı üzləşdiyi vəziyyətdən şok keçirdiyini iddia edib.
Mütəxəssis bu halda işini davam etdirməyin çətin olduğunu söyləyib.
Qriqorçuk «Neftçi» azarkeşlərinin onun əleyhinə səsləndirdiyi şüarların da əhval-ruhiyyəsinə mənfi təsirindən söz açıb, buna dözə bilmədiyini deyib.
Baş məşqçi 2 illik müqaviləyə vaxtından qabaq xitam verməyə hazırdır: rəhbərlik getməsinə razılaşarsa, heç bir kompensasiya tələb etməyəcək.
«Neftçi» çempionatın ilk yarısını 5 xalla bitirib. «Ağ-qaralar» liqada qələbə qazana bilməyən yeganə iştirakçıdır.
SPORTİNFO.AZ
.jpg)
