.jpg)
«Neftçi»nin Mussa Koneni heyətinə qatmağa hazırlaşmasını xəbər vermişik.
«Ağ-qaralar» qanalı legionerlə şəxsi müqavilə şərtlərini razılaşdırıb.
27 yaşlı hücumçu bakılılarla 2 illik müqavilə imzalamağa okey verib.
Amma… Kontraktın hələ də rəsmiləşməməsinin və ictimaiyyətə açıqlanmamasının bir «əmma»sı var.
Kone «DAK-1904»ün düşərgəsini tərk eləsə də, klubla bağlarını tam qopara bilməyib.
Slovakiya təmsilçisi sözləşməsi 2025-cü ilin ayında başa çatacaq forvardı pulsuz buraxmaqdan imtina edib. «Neftçi» isə bu problemi yoluna qoymağı qanalının özünə tapşırıb.
O, futbolda ilk addımlarını Seneqalda - Dakar Sakre-Kёrda başlayan hücumçu 2016-2018-ci illəri İsveçrədə keçirib,
«Sürix»in formasını geyinib. Daha sonra Almaniyaya yollanıb,
2 il Drezden «Dinamo»sunun uğurları üçün tər töküb. 2020-ci ildə Fransadan dəvət alıb,
3 mövsüm də «Nim»in şərəfini qoruyub. Həmin arada QASK-a icarəyə verilib və 1 il də Avstriyada qalıb.
Bu ilin əvvəlində isə Slovakiyaya üz tutub, «DAK-1904»lə anlaşıb.
Kone Konfrans Liqasının ikinci təsnifat mərhələsində «Zirə»nin rəqibi olmuş komandada cəmi 1 oyun keçirib.
Adıçəkilən forvard Seneqalın U-20 yığmasında 11 dəfə meydana çıxıb və 3 qol vurub.
SPORTİNFO.AZ
