.jpg)
Uğursuz nəticələrdən başı açılmayan "Neftçi"də kapitanlıqla bağlı qalmaqal davam edir.
Bildiyiniz kimi, bir neçə gün əvvəl baş məşqçi Roman Qriqorçuk son 6 ildə komandanın kapitanı olmuş Emin Mahmudovu səlahiyyətindən məhrum etdi.
Bazubəndi bundan sonra Ramil Şeydayev qoluna tapacaq.
Ukraynalı mütəxəssisin atdığı addım birmənalı qarşılanmayıb.
Azarkeşlərin əksəriyyəti qərarla razı deyil.
Heyətdəki futbolçuların bir çoxu da Mahmudova qarşı haqsızlıq olunduğunu düşünür.
Digər tərəfdən onlar Şeydayevlə bağlı xoş düşüncədə deyillər.
Düşünürlər ki, Emindən alınan sarğı Şeydayevə verilə bilməz.
Yayda düşərgəyə qoşulan sabiq "Qarabağ"lı kapitanlığı qəbuledilməzdir.
Klub daxilində gedən müzakirələrdən baş məşqçi xəbərsiz deyil.
Belədə Qriqorçuk çarəsiz duruma düşüb.
O, verdiyi qərardan geri addım atmağı özünə sığışdırmırsa, azarkeş və futbolçuların təzyiqi altında çalışmağı mümkünsüz olduğunu yaxşı başa düşür.
Belədə əcnəbi çalışdırıcının hansı addımı atacağı maraqlıdır. Gözləyək...
XANOĞLAN/ SPORTİNFO.AZ
