.jpg)
Mövsümə uğursuz başlayaraq qələbə üzünə həsrət qalan “Neftçi”nin növbəti rəqibi “Qarabağ”dır.
Ötən həftə “Zirə”yə boyun əyən (0:2) “ağ-qaralar” bu dəfə səfərdə “köhlən atlar”ın qonağı olacaq.
“Neftçi” azarkeşləri əzəli rəqiblə oyunu sonuncu şans kimi qəbul edir və nəyin bahasına olur-olsun, sevimli komandalarında uğurlu nəticə gözləyirlər.
Çempionatın səs-küylü oyunundan əvvəl “Neftçi”nin ispaniyalı müdafiəçisi Mustafa Sek Sportinfo.az-ın “azarkeşlər derbidə sizdən nə gözləsin” sualını cavablandırıb:
“Qələbə qazanmaq istəyirik, başqa heç nə düşünmürük. İstər “Qarabağ”la, istərsə də digər rəqiblərlə oyunlarda azarkeşlərimizə 3 xal bəxş etməliyik.
Odur ki, “Qarabağ”la qarşılaşmada bizdən qələbə gözləsinlər”.
Sentyabrın 20-də “Azərsun Arena”da keçiriləcək oyun saat 20:00-da başlayacaq.
HƏBİB
