![Qriqorçukun “Neftçi”də görmək istəmədiyi yerli oyunçuya iki müştəri çıxdı](https://www.sportinfo.az/media/2024/08/18/qarayev.jpg)
Azərbaycan yığmasının sabiq üzvü Qara Qarayev iki klubun maraq dairəsindədir.
«Zirə» və «Sabah» onu heyətinə qatmaq istəyindədir.
Yarımmüdafiəçini transfer etməyə ən yaxın kimi «bayquşlar» görsənir.
Ötən ilin yayında gözlənilmədən «Qarabağ»ı «Neftçi»yə dəyişən Qarayev hazırda karyerasının yaxşı günlərini yaşamır.
Adrian Mutu və Miodraq Bojoviçin zamanında tez-tez əsas heyətdə görünən yarımmüdafiəçi Roman Qriqorçukun gəlişi ilə ehtiyat simaya çevrilib.
Yeni baş məşqçi Premyer Liqanın ilk iki turunda ona 1 dəqiqə də şans verməyib.
Millinin sabiq üzvü ilk turda «Turan Tovuz»la matçı (0:0) ehtiyat skamyadan izləmişdisə, «Səbail»lə qarşılaşmada (0) adı ümumiyyətlə, iştirak ərizəsinə daxil edilmədi.
Ukraynalı çalışdırıcı Qarayevə geniş oyun praktikası qazandırmaq fikrində deyil. O, bunu futbolçunun özünə də söyləyib.
Sabiq «Qəbələ»li Qaraya yeni komanda axtarmağı məsləhət görüb. Emin Mahmudova görə «Neftçi»yə gəlmiş dayaq yarımmüdafiəçisi hələlik qeyri-müəyyənlik içindədir.
Gedəcəyi yeri müəyyənləşdirməyə çalışır. Klub yönətimi də onun son cavabını gözləyir.
«Ağ-qaralar» illik maaşı 250 min manata yaxın olan Qarayevi sərbəst buraxmağa hazırdır.
SPORTİNFO.AZ