![“Neftçi” 8 qol vuran universal oyunçunu transfer edir?](https://www.sportinfo.az/media/2024/07/26/stoqrin1721900791.jpg)
“Neftçi” transfer çalışmalarını davam etdirir.
Sportinfo.az xəbər verir ki, tezliklə “ağ-qaralar”ın sıralarına yeni əcnəbi futbolçu cəlb olunacaq.
Söhbət “Çernomorets”in (Odessa) ukraynalı cinah oyunçusu Andrey Ştoqrindən gedir.
25 yaşlı futbolçunun “Neftçi”yə keçməyə yaxın olduğu bildirilir.
Ştoqrin ötən mövsüm 30 oyuna çıxıb, 8 qol vurub, 5 məhsuldar ötürmə edib. Onun “Çernomorets”lə müqavilə müddəti 2025-ci il iyunun 30-na qədərdir.
Ukraynalı həm sağ, həm sol cinah vingeri, həm də mərkəz hücumçusu mövqeyində oynamağı bacarır.