.jpg)
“Neftçi” Premyer Liqada növbəti xal itkisi ilə qarşılaşıb.
Doğma meydanda “Araz Naxçıvan”ı qəbil edən Mutunun komandası qələbəni oyuna əlavə olunmuş dəqiqələrdə buraxdığı qolla əldən verib – 1:1.
“Ağ qaralar”ın uğursuzluğuna komandanın sabiq məşqçisi, rəhmətlik Böyükağa Hacıyevin övladı da biganə qalmayıb.
Yusif Hacıyev öz “feysbuk” hesabından narazılığını dilə gətirib.
Həm də çox sərt formada.
O, Böyükağa müəllimin fotosunu paylaşaraq bu sözləri yazıb: “Rəhmətlik sağ olsaydı, “Neftçi”dəki şou-biznes kruqun tutub belə edərdi”.
Böyükağa Hacıyev 2018-ci ildə dünyasın dəyişib.
O, məşqçilik karyerasında “Bakı” və “Neftçi” kimi klublarda çalışıb.
Hər iki komanda ilə ölkə çempionluğu qazanıb.
Həmçinin “Neftçi” Azərbaycanda ilk dəfə Avropa Liqasının qrup mərhələsinə onun rəhbərliyi altında yüksəldib.
XANOĞLAN / SPORTİNFO.AZ
