!["Neftçi" əcnəbi oyunçusu ilə müqavilə müddətini artırmaq niyyətindədir](https://www.sportinfo.az/media/2023/11/25/456932817_0_0_3072_2048_600x0_80_0_0_bcec759fd38350b11c0c8e3ade9e26ce.jpg)
"Neftçi" indidən mövsümün sonunda müqaviləsi başa çatacaq oyunçulardan bəzilərini saxlamaq istəyir.
Sportinfo.az xəbər verir ki, sportal.az-a verilən məlumata görə, "ağ-qaralar" Kilan Lebonla müqavilə müddətini artırmaq niyyətindədir.
Amma futbolçu son vaxtlarda əsas heyətdə az-az oynadığı üçün hələ ki, tam qərarını verməyib. Belə ki, Reziuan Mirzovun gəlişindən sonra Lebon daha çox sonradan meydana daxil olur.
Sent-Martin millisinin üzvünün "Neftçi" ilə müqaviləsi 2024-cü il iyunun 30-da başa çatacaq.
26 yaşlı futbolçu 2023-cü il yanvarın 19-da "Astana"dan "Neftçi"yə keçib.