"Çernomorets"in (Odessa) baş məşqçisi Aleksandr Babiç komandanın keçmiş futbolçusu Andrey Ştoqrinin "Neftçi"yə keçidindən danışıb.
Sportinfo.az xəbər verir ki, "UA-Football" portalına danışan Odessa təmsilçisinin baş məşqçisi Roman Qriqorçuk haqda da fikirlərini bildirib:
"Andreyin birdən çox təklifi var idi. Amma biləndə ki o, Roman Qriqorukun komandasına keçir, ona uğurlar arzuladım.
“Neftçi”nin qarşısında ən yüksək hədəflər durur və idman baxımından bu, futbolçu üçün böyük əhəmiyyət kəsb edir.
Təbii ki, onun Azərbaycan çempionatına uyğunlaşması daha asan olacaq. Çünki o, Qriqorçukun tələblərini yaxşı bilir.
Baş məşqçi də Ştoqrinin imkanlarından xəbərdardır. Hesab edirəm ki, bu kombinasiya işləməlidir".
"Neftçi" Andrey Ştoqrinlə üç illik müqavilə imzalayıb.
.jpg)
