![Qriqorçuk barmaq silkələdi, "Neftçi"nin futbolçuları narazı qaldı](https://www.sportinfo.az/media/2024/07/26/452585945_1035232375269909_8700795576669633199_n.jpg)
«Neftçi»də yeni baş məşqçi Roman Qriqorçukdan ilk narazılıq yaranıb.
Ukraynalı çalışdırıcının gündəlik iş üslubu əksər futbolçuların ürəyincə deyil.
Onların giley-güzarı artıq redaksiyamıza çatıb. Nədən şikayətçidirlər?
Qriqorçuk Türkiyədə keçirilən təlim-məşq toplanışı zamanı davamlı şəkildə iclaslar təşkil edir. Hər gün 3 dəfə toplantı zalına yığışmaq komanda üzvlərinə bezdirici gəlir.
Belə ki, mütəxəssis səhər və günorta 40 dəqiqə, axşam isə 30 dəqiqə iclas edir. Gün ərzində üst-üstə 1 saat 10 dəqiqə yığıncaq futbolçuların əhval-ruhiyyəsinə mənfi təsir göstərməkdədir.
Sabiq «Qəbələ»li bütün bunlar azmış kimi, kollektivin hər fərdinə «mənim söylədiklərimi əzbərləyin, kim dediklərimi yaddan çıxarsa, məndən inciməsin» kimi xəbərdarlıq eləyib.
SPORTİNFO.AZ