Bu qış «Neftçi»ni tərk edəcək legionerlərin sayı maksimum 3 olacaq.
Saytımız bununla bağlı klubdan məlumat alıb.
Redaksiyamıza verilən informasiyaya görə, macarıstanlı müdafiəçi Mark Tamaş və fransalı vinger Kilian Lebondan savayı, yalnız 1 əcnəbinin düşərgəni tərk etməsi gözlənilir.
O da ki, Alfa Kontedir. Syerra-Leone yığmasının da formasını geyinən hücumameylli yarımmüdafiəçi ilə hazırda müqavilənin pozulmasına dair danışıqlar gedir.
2024-cü ilin əvvəlində 2+1 illik kontrakta imza atmış afrikalı Samir Abasovun gələcək planlarına daxil deyil.
Baş məşqçinin xidmətində maraqlı olmadığı Konte təklif edilən şərtlərlə razılaşarsa, tezliklə əməkdaşlığa xitam veriləcək.
Bildirilib ki, hazırda müqaviləsi davam edən digər legionerlərdən hamısı ən azı mövsümün sonunadək burada qalacaq.
SPORTİNFO.AZ
.jpg)
