2024-cü ilin ən yaxşı futbolçusu nominasiyasında hansı futbolçunun qalib seçiləcəyi maraq doğurur.
Əslində, siyahı elə də geniş deyil.
Ölkə futbolundakı uğurların “Qarabağ”ın adı ilə bağlı olduğunu nəzərə alsaq, ən yaxşının bu komandadan olacağı şübhə doğurmur.
Ən real namizədlər isə Toral Bayramovla Elvin Cəfərquliyevdir ki, gərgin mübarizə də məhz bu iki nəfərin arasında gedəcək.
“Araz-Naxçıvan” üzərindəki qələbədən sonra (2:0) həssas mövzuya görə jurnalistlərin əlinə düşməmək üçün paltardəyişmə otağını ənənəvi dəhlizlə yox, alternativ yolla tərk edən Toralı stadionun giriş-çıxış qapılarının yanında yaxaladım.
İlin ən yaxşı futbolçusu ilə bağlı mövzuda danışmaq istəməsə də, qısa dialoq baş tutdu.
- 2024-cü ilin ən yaxşı futbolçusu qismində kimi namizəd görürsən?
- Bu barədə fikir bildirməyim düzgün olmaz. Düşünməmişəm deyə, nəsə deyə bilmərəm.
- Sən ola bilərsən?
- Bəlkə də.
- Elvin Cəfərquliyev müsahibəsində özünü ən yaxşı görmədiyini bildirib.
- O da ola bilər. Hər bir azərbaycanlı ən yaxşı seçilə bilər. İnsanların seçimindən asılıdır.
HƏBİB / SPORTİNFO.AZ
