.jpg)
"Səbail"in yarımmüdafiəçisi Fərid Nəbiyev Premyer Liqanın 6-cı turunda "Qarabağ"a məğlub olduqları (1:2) matçdan sonra Sportinfo.az-a müsahibə verib.
- İlk olaraq oyunu necə şərh edərdin?
- Çox gərgin və maraqlı oyun keçdi. Belə oyunlarda bu qədər qol şansına yaxalamaq asan deyil. Amma biz yetəri qədər qol fürsəti əldə etdik. Amma təəssüf ki, istifadə edə bilmədik.
- Həqiqətən, məğlubiyyətə rəğmən pis təsir bağışlanmadınız. Son çempionla səfər meydanında belə inamlı görünməyi necə bacardınız?
- Əlbəttə, "Qarabağ" böyük komandadır. Onlara qarşı oynamaq asan deyil. Lakin biz də futbolçuyuq. Meydana çıxıb gəzmək fikrimiz yoxdur. Əlimizdən gələn qədər çalışdıq ki, layiqli mübarizə aparaq.
- Qaçırdığınız qol şanslarını nəzərə alsaq, məğlubiyyəti ədalətsiz nəticə sayırsan?
- Hər iki tərəfin qol şansları oldu. Təəssüf ki, biz dəyərləndirə bilmədik, amma rəqib əlinə düşən fürsətləri qola çevirdi.
- Komandanın yeganə qolunu vurdun. "Qarabağ" kimi rəqiblə oyunda fərqlənmək necə hisdir?
- Qol vurmaq hər oyunçu üçün əlavə motivasiyadır. Ancaq qol vurub uduzmaqdansa, kaş qol vurmayıb udardıq. Artıq bu görüşü unudub, qarşıdakı oyunlara hazırlamalıyıq.
XANOĞLAN İMANOV
.jpg)
.jpg)
.jpg)
