!["Bu, böyük problemdir, zəhmət olmasa, bizə vaxt verin" - MÜSAHİBƏ](https://www.sportinfo.az/media/2024/08/21/screenshot_20240821_094151_instagram.jpg)
"Kəpəz" Premyer Liqanın 3-cü turunda "Turan Tovuz"a 0:3 hesabıyla məğlub oldu.
Gəncə təmsilçisinin belaruslu kapitanı Yeqor Xvalko qərb derbisində qeydə alınan yenilgi ilə bağlı Sportinfo.az-a müsahibə verib.
- Ardıcıl üçüncü oyundakı məğlubiyyəti necə şərh edərdin?
- Danışmaq çətindir. Məşqçinin təklif etdiyi oyunu hələ tapa bilməmişik.
- Bunun üçün nə qədər zaman lazımdır?
- Artıq bu oyunda baş məşqçimizin bizdən istədiyi oyunun seqmentləri var idi. Bir qədər zamana ehtiyac var.
- Sonra toparlanmaq gec olmayacaq?
- Bilirsiniz, hər oyun daha yaxşı olmaq üçün bir səbəbdir. Mən istəyirəm ki, səhvlərimizdən dərs çıxaraq.
- Qələbə əldə etmək və ya xal qazanmaq bir kənara, komanda qol vura bilmir...
- Bu, əlbəttə böyük problemdir. Amma məşqçilər korpusu təkcə hücumda deyil, həm də müdafiədə oyunumuzu yaxşılaşdırmağa çalışır. Zəhmət olmasa, bizə vaxt verin
XANOĞLAN İMANOV