.jpg)
Belçika millisinin və “Liverpul”un keçmiş forvardı, hazırda “Di Si Yunayted”də oynayan Kristian Bentekenin qardaşı Conatan Benteke Sportinfo.az-a müsahibə verib.
"Şamaxı"nin heyətində Premyer Liqada debüt edən belçikalı hücumçu 1-ci turun "Sabah"la matçından (2:2) danışıb.
- Oyunla bağlı nələr deyə bilərsən?
- Komanda olaraq yaxşı mübarizə apardıq. Və sonda istədiyimizi nəticəni ala bildik. Çox sevincliyəm.
- "Sabah" bir neçə gün əvvəl güclü "Makkabi"ni məğlub edə bilmişdi. Belə rəqib qarşı özünüzü necə kökləyə bildiniz?
- "Sabah" keyfiyyətli komandadır. Amma biz də heç kimdən çəkinmirik. Hər oyuna eyni hazırlaşırıq. Buraya da yaxşı nəticə üçün gəlmişdik. Şadam ki, bunu bacardıq.
- 0:2 geridə olan anda böyük hesabla uduzmaq qorxusu yaşadınız?
- Yox, elə bir şey olmadı. Özümüzə inanırdıq. Bilirdik ki, ikinci yarı "Sabah" daha da yorğun olacaq. Lazımı vaxtda vurduğumuz qollarla 1 xal əldə edə bildik.
- Bir tur arxada qaldı. Yəqin ki, digər matçları da izləmək imkanın oldu. Premyer Liqa ilə bağlı düşüncələrin necədir?
- Nəinki birinci tur, daha əvvəl liqanın başqa görüşlərini də izləmişəm. Çempionatın səviyyəsi normaldır. Zaman keçdikcə mənə hər şey daha aydın olacaq. İndiki durumda hər şey məni qane edir.
XANOĞLAN İMANOV
.jpg)
.jpg)
.jpg)
