COP29

"Məğlub olmağımız utancvericidir" - Mutu

18 Dekabr 2023 22:15 Müsahibə 1 128
"Məğlub olmağımız utancvericidir" - Mutu

"Neftçi" Azərbaycan Premyer Liqasının 17-ci turunda səfərdə "Qarabağ"a 0:2 hesabı ilə məğlub olub.

Sportinfo.az xəbər verir ki, "ağ-qaralar"ın baş məşqçisi Adrian Mutu matçdan sonra keçirilən mətbuat konfransında jurnalistlərin suallarını cavablandırıb:

- Öncə, ağır qəzaya düşən Peşəkar Futbol Liqasının əməkdaşlarının tezliklə sağalmalarını arzulayıram və onlara şəfa diləyirəm. Çətin oyun idi, güclü rəqibə qarşı oynayırdıq. Futbolçularım meydanda komanda şəklində sona qədər əzmkar mübarizə aparmağa çalışdılar. Məğlub olmağımız utancvericidir. İstəyirdik ki, nəsə edək. Amma uduzduq.

- Hər zaman deyirsiz ki, oyun çətin keçdi. "Neftçi" üçün bu çempionatda asan oyun olub?

- Bütün oyunlar çətindir.

- 19 yaşında bu stadionda qol vurmusuz. Yenidən Tofiq Bəhramov adına Respublika stadionuna gəldiz. Hansı hissləri keçirdiz?

- Yaxşı hisslərdir. Stadion dəyişib və indi daha gözəldir.

- Matçın 70-ci dəqiqəsində Höccət Haqverdini meydana buraxmağa hazırlaşırdız. "Neftçi" o qədər acizdir ki, 70-ci dəqiqədə beşli müdafiəyə keçməyi planlaşdırır?

- Beşli müdafiəyə keçmək strategiya idi. Amma keçmədik.

- Aaron Olanare "Neftçi"yə xeyir verəcək? Onu komandada müqaviləsinə görə saxlayırsız, yoxsa perspektiv vəd etdiyinə görə?

- Bu gün "Neftçi"də hücum xəttində nə qədər oyunçu varsa, hamısını meydana buraxmışdım. Hücumçularımdan daha yaxşısını gözləyirəm. Onlar irəlidə topu daha çox saxlamalıdılar ki, komandaya kömək olsunlar. Bu vəziyyətdən çıxış yolu tapmaq lazımdır. Olanarenin performansına gəlincə, söhbət təkcə ondan getmir. Ümumi hücumçulardan gedir. İstəyərdim ki, qollar vursunlar.

Digər Xəbərlər
Xəbər Lenti
19 Sentyabr 18:10 Çək və bizə göndər!
19 Sentyabr 17:20 Berdiyevin "gizli silahı"
19 Sentyabr 16:10 Bu Oyunda Favorit Sənsən!
19 Sentyabr 14:30 "Sportinfo TV”də GÜNDƏM
19 Sentyabr 11:00 Gerisayım başladı, tələs!
19 Sentyabr 05:00 "Sumqayıt" 3 transfer etdi
19 Sentyabr 02:50 "Quba"ya yenə gələn var