
Sportinfo.az xəbər verir ki, Azərbaycan millisinin müdafiəçisi Bəhlul Mustafazadə Haiti yığması ilə yoldaşlıq görüşündən öncə sullarını cavablandırıb.
- Haiti millisi bizə tanış olmayan rəqibdir. Amma onların oyunlarını izləmişik. Yaxşı oyunçuları var. Bizi maraqlı oyun gözləyir.
- Millidəki ab-hava necədir?
- Ab-hava çox yaxşıdır. Çalışacağıq ki, düzgün oynayaq və məşqçinin göstərişlərini yerinə yetirək. Hər şey qaydasındadır. Bu oyunlarda qələbə qazanmaq istəyirik.
- Millidə təcrübən çoxdur, amma təcrübəsi az olan oyunçular var. Onlarla uyğunlaşma necədir?
- Yeni gələnlərin hər biri həvəslidir. Biz də belə idik. Çox istəyirlər ki, milli formanı geyinsinlər. Təcrübəli oyunçular çalışır ki, adaptasiya prosesində onlara kömək etsinlər. Hər şey yaxşıdır.
- Bu matçda sizin üçün nəticə qazanmaq vacibdir?
- Düzgün oynamaq da vacibdir. Bizim üçün önəmli olan düzgün oynamaq və qalib gəlməkdir. Hər ikisi vacibdir. Amma daha önəmlisi qələbə qazanmaq mentalitetinin davam etməsidir.