“Milli elədir ki, çox dəyişiklik etmək olmur, çünki komanda 3-4 gün bir yerə yığılır, sonra isə oyuna çıxır“.
Sportinfo.az xəbər verir ki, bu sözlər yığmamızın sabiq hücumçusu Rauf Əliyevə aiddir.
O bildirib ki, De Byazinin gedişindən sonra millidə ciddi dəyişiklik baş verməyib:
“Hər hansı məşqçinin yeni sistemi oturtması üçün zamana ehtiyac var. Albaniya ilə oyunda əvvəlki matçlarla müqayisədə müəyyən dəyişikliklər hiss olunurdu.
Məsələn, ortada Aleksey İsayev oyunu aparırdı. Bəli, həqiqətən də Albaniya ilə oyun gələcəyə ümid verdi. Nəticə də olsa, azarkeşlər də razı qalacaq”.
