"Mənim Azərbaycan millisini seçməyimdə "Beşiktaş" rəhbərliyinin hansısa vasitəçiliyi olmayıb".
Sportinfo.az xəbər verir ki, bunu Azərbaycan millisinin yeni baş məşqçisi Fernandu Santuş deyib.
AFFA rəhbərliyi ilə 4 illik müqavilə imzalayan portuqaliyalı mütəxəssis bildirib ki, ötən mövsüm çalışdığı "Beşiktaş"ın rəhbərliyi ilə münasibətləri yaxşıdır:
"Klubun prezident ilə dost kimi qaldıq. Onların heç bir vasitəçiliyi olmayıb.
Danışıqlar Sərxan Hacıyevlə olub. Aramızda olan danışıqlara əsasən, bu seçimi etmişəm".
