Azərbaycan millisinin DÇ-2026-nın seçmə mərhələsinə hazırlıq işləri aparılır.
Sportinfo.az xəbər verir ki, qol.az-ın əldə etdiyi məlumata görə, hazırda AFFA qarşısında duran əsas vəzifələrdən biri də milli komandanın ev oyunlarını keçirəcəyi məkanı müəyyənləşdirməkdir.
Bu gün üçün rəqibləri qəbul edəcək dörd namizəd stadion var. Bunlar Tofiq Bəhramov adına Respublika stadionu, “Neftçi Arena” və Mərdəkandakı “Liv Bona Dea” arenadır.
Lakin DÇ-2026-da Azərbaycan millisinin sonuncu rəqibinin Fransa olmasından sonra, görüşə mümkün yüksək marağı nəzərə alan AFFA sırf bu oyunu isə Bakı Olimpiya Stadionunda təşkil etmək variantını da nəzərdən keçirir.
Hələlik ev stadionları ilə bağlı yekun qərar verilməyib. Bununla belə, yekun siyahı tezliklə UEFA-ya göndərilməlidir.
Matçlardan birinin Gəncə stadionunda keçiriləcəyi barədə sosial mediada yayılan xəbərlər həqiqəti əks etdirmir.
Azərbaycan millisi DÇ-2026-nın seçmə mərhələsinin D qrupunda Fransa, Ukrayna və İslandiya komandaları ilə mübarizə aparacaq.
Millimizin oyunlarının təqvimi aşağıdakı kimidir:
5 sentyabr
22:45. İslandiya - Azərbaycan
9 sentyabr
20:00. Azərbaycan - Ukrayna
10 oktyabr
22:45. Fransa - Azərbaycan
13 oktyabr
22:45. Ukrayna - Azərbaycan
13 noyabr
21:00. Azərbaycan - İslandiya
16 noyabr
21:00. Azərbaycan - Fransa
.jpg)
