2025-ci ildə açıqlanan ilk FIFA reytinqi Azərbaycan millisi üçün düşərli olmayıb.
Ötən ay yoldaşlıq görüşlərində Haiti (0:3) və Belarusa (0:2) məğlub olan yığmamız daha iki pillə geriləyib.
Sportinfo.az xəbər verir ki, komandamız dünya sıralamasında 119-cu pilləyə düşüb ki, bu, son 18 ayın antirekordudur.
A millimiz 2023-cü ilin oktyabrından bəri heç vaxt belə zəif göstərici ilə yadda qalmamışdı. Axırıncı dəfə məhz həmin vaxt reytinqdə 120-ci sırada yer almışıq. Ondan bəri 12 dəfə FIFA reytinqi açıqlanıb.
Son 12 FIFA reytinqində millimizin mövqeyi:
2023-cü il
Noyabr – 114
Dekabr – 114
2024-cü il
Fevral – 113
Mart – 113
Aprel – 112
İyun – 111
İyul – 111
Sentyabr – 113
Oktyabr – 118
Noyabr – 117
Dekabr – 117
2025-ci il
Aprel – 119
