AFFA aşağı yaş qrupları üzrə yığmaların məşqçi və texniki heyəti ilə bağlı yeni qərar qəbul edib.
Və bu, onlar tərəfindən böyük sevinclə qarşılanıb.
Həmin qərara əsasən, millilərdə çalışan mütəxəssislər və əməkdaşların əməkhaqlarından tutulmalar ləğv olunub. Əvvəl bu rəqəm aylıq maaşın 15 faizi qədər idi.
İndən belə onlar gəlir faizini (5 faiz) ödəyəcək. Yerdə qalan vəsaiti isə federasiya daxili imkanları hesabına qarşılayacaq.
Martın 14-də AFFA İcraiyyə Komitəsinin toplantısı keçirilib. Həmin yığıncaqda adları aşağıda göstərilmiş məşqçilər müvafiq yaş qruplarından ibarət milli komandaların baş məşqçiləri təyin olunublar:
Elxan Abdullayev - Azərbaycan U-19
İlham Yadullayev - Azərbaycan U-18 (2008-ci il təvəllüdlülər)
Aqil Nəbiyev – Azərbaycan U-17 (2009-cu il təvəllüdlülər)
Onların hər biri ilə 2025-ci ilin sonuna kimi müqavilə imzalanıb.
SPORTİNFO.AZ
