“Azərbaycanın Haiti və Belarus millisinə qarşı oyunlarını izlədim.
Heç vaxt bu qədər zəif Azərbaycan millisi görməmişdim.
Məğlubiyyət hər zaman mümkündür. Amma kimə gəldi uduzmaq olmaz”.
Sportinfo.az xəbər verir ki, bu sözləri sportal.az-a açıqlamasında milli komandamızın sabiq forvardı Maqomed Kurbanov deyib.
Hazırda “Rostov”un futbol akademiyasında çalışan Qurbanov milli komandada lider futbolçunun çatışmazlığından bəhs edib:
“Millidə keyfiyyətli oyunçu çatışmazlığı var. Lider çatışmazlığı da həmçinin.
Doğrudur, Şahruddin Məhəmmədəliyev və Bədavi Hüseynov var. Amma bu qədərdir.
Baş məşqçi də günahkardır. Çünki hazır olmayan futbolçuları dəvət etmişdi”.
Kurbanov milli komandada 3 oyuna çıxıb və qol vurmayıb.
