“Moldova yığmasına qarşı iki fərqli oyun izlədik. İlk görüşdə heç-heçə etdik. İkinci qarşılaşmada isə bütün futbolçulara şans verməyə çalışdım. Heyəti tamamilə dəyişmişdik. Toplanış seleksiya xarakteri daşıyırdı. Növbəti toplanışlarda kimlərlə yolumuza davam etməli olduğumuzu dəqiqləşdirmək üçün hamıya şans verdik. Təbii ki, məğlubiyyətdə bu amil öz təsirini göstərdi".
Bu fikirləri 19 yaşadək futbolçulardan ibarət Azərbaycan milli komandasının baş məşqçisi Elxan Abdullayev səsləndirib.
Ayıbdır vallah.
Necə yəni növbəti toplanışda kimlərlə yola davam edəcəyimizi dəqiqləşdiririk?
Bu nə təfəkkürdü?
Ay Elxan müəllim, bura klub deyil axı. Kimisə bəyənmədinizsə yolları ayırasınız. Söhbət Milli komandadan gedir. Kim hazırdısa onlar da dəvət almalıdır.
Hə sınaq matçlarında yeni adlara meydan vermək təcrübəsi var. Amma kimisə siyahıdan silmək metodikası yox.
Bu gün toplanışda özünü göstərə bilməyən, sabah klubunda artırıb yenidən dəvət ala bilər.
Təbii ki, bu açıqlamanız daha çox bəhanəyə oxşayır. Məğlubiyyətə bir yolla "don" geyindirmək lazımdır axı.
İllərdi aşağı yaş qrupunda var-gəl edirsiniz, amma ortaya çıxarılacaq bir işiniz yoxdur. Bəs buna mane olan nədir?
44 yaşlı birinə belə ucuz arqumentlər arxasında gizlənmək yaraşmaz.
XANOĞLAN İMANOV
