17 yaşadək futbolçulardan ibarət Azərbaycan millisi Avropa çempionatının 2-ci seçmə mərhələsində növbəti oyununu keçirib.
Sportinfo.az xəbər verir ki, B Liqasının 6-cı qrupunda yer alan İlham Yadullayevin baş məşqçisi olduğu millimiz 2-ci matçında Uelslə qarşılaşıb.
Görüş Albaniyanın Elbasan şəhərində keçirilib. İlk turda Albaniyaya 1:4 hesabı ilə uduzan yığmamız seçmə mərhələdəki ikinci matçda da xal itirib.
Oyun 0:0 hesabı ilə yekublaşıb. 37-ci dəqiqədə “Mançester Yunayted”in gənclər komandasının üzvü Louie Bradbury penaltini dəqiq yerinə yetirə bilməyib.
Bununla da U-17 millimiz qrupda iştirakını başa vurub və yarışla erkən vidalaşıb. Komanda 1 xalla sonuncu yerdə qərarlaşıb və növbəti mərhələyə yüksəlmək şansını itirib.
Hazırda Azərbaycan millisinin yer aldığı qrupda 1-ci yeri 1 oyundan 3 xalla Albaniya tutur. Uels 1 oyundan 1 xalla 2-cidir.
Son matçda bu iki komandalar üz-üzə gələcək. Bundan sonra qrupun qalibi müəyyənləşəcək.
.jpg)
.jpg)
.jpg)
.jpg)
.jpg)
.jpg)