Azərbaycanın mövsümü UEFA reytinqində 29-cu pillədən aşağıda başa vuracağı dəqiqləşib.
Sportinfo.az xəbər verir ki, ölkəmiz hazırda qərarlaşdığı 30-cu pillədən yuxarı qalxa bilməyəcək.
Bu, qitə kuboklarında təmsilçisi qalmayan futbolumuz üçün son 11 ilin antirekordudur. Azərbaycan sonuncu dəfə 2014-cü ilin yayında 29-cu pillədən aşağı sırada olub.
Həmin vaxt qrup mərhələsində təmsil olunmayan ölkəmiz 32-ci yeri tutub.
“Qarabağ”ın 2014/15 mövsümündə Avropa Liqasının qrupuna düşməsindən sonra başlayan uğurlu 10 ildə ölkəmiz 23-29-cu yerlərdə qərarlaşıb. Bu dəfə isə həmin nəticələr də mümkün olmayıb.
Avrokuboklarda 1994-cü ildə debüt edən Azərbaycanın rekordu 23-cü yerdir. Bu, 2017/18 mövsümünün sonunda qeydə alınıb.
19,625 xala malik ölkəmizdən aşağı pillələrdə qərarlaşanlardan yalnız Bosniya və Herseqovinanın (13,031 xal) təmsilçisi qalıb.
Azərbaycanın mövsümün sonunda UEFA reytinqində qərarlaşdığı mövqe
2013/14 - 32-ci yer
2014/15 - 29-cu yer
2015/16 - 26-cı yer
2016/17 - 26-cı yer
2017/18 - 23-cü yer
2018/19 - 26-cı yer
2019/20 - 26-cı yer
2020/21 - 26-cı yer
2021/22 - 26-cı yer
2022/23 - 29-cu yer
2023/24 - 28-ci yer
2024/25 - 30-cu yer
.jpg)
.jpg)
.jpg)
.jpg)
