Sportinfo.az xəbər verir ki, Azərbaycan millisinin sabiq müdafiəçisi Məhəmməd Mirzəbəyov sportal.az-a açıqlama verib.
Vaxtilə yığmamızın aparıcı üzvlərindən olmuş dağıstanlı komandanın hazırkı durumundan və DÇ-2026-dakı şanslarından danışıb.
Onun sözlərinə görə, kollektiv perspektivlidir və sadəcə Fernandu Santuş çıxış yolu tapmalıdır:
"Təəssüf ki, millimiz Mİllətlər Liqasında D divizionuna düşdü. Bəzən uşaqlar çox yaxşı oynayırdılar.
Düzünü desəm, mümkün qədər yuxarı pillələrə qalxacağımızı düşünürdüm. Amma təəssüf ki, alınmadı.
Bunun səbəbini söyləmək çətindir, çünki mən orada yoxam. Millimizin DÇ-2026-da qrupdakı rəqibləri ilə də tanışam.
Xorvatiya ilə iki dəfə heç-heçə oynamışdıq. Bu dəfə də hər şey mümkündür. Azərbaycan millisinin potensialı yüksəkdir.
Ümidvaram ki, millimizin uğurlu nəticələr qazanması üçün baş məşqçi bir yol tapacaq. Biz isə millimizin, qardaşlarımıza azarkeşlik edəcəyik.
Rəqibin kimliyindən, harada oynamaqlarından asılı olmayaraq Azərbaycanın qalib gəlməsini istəyirəm”.
s.jpg)
.jpg)
.png)
.jpg)
.jpg)
