“Milli komandamızın baş məşqçisi Fernandu Santuşun uğursuzluqlara görə istefaya göndəriləcəyi deyilir.
Amma mən onun yola salınacağına inanmıram, çünki AFFA-nın Santuşun yanında dili gödəkdir”.
Sportinfo.az xəbər verir ki, bu sözləri teleqraf.com-a açıqlamasında Milli Məclisin deputatı, sadiq futbol azarkeşi Aqil Abbas deyib.
“Santuşla müqavilə bağlanıb. O da deyəcək ki, pulumu verin, sonra gedim! Həm də bu adamlar həyasızdır.
Berti Foqts vaxtilə necə həyasızlıq eləmişdisə, bu, ondan da geri qalan deyil. Ona görə də Santuş həyasızlığına salıb qalacaq”, - deyə o əlavə edib.
Millət vəkili vurğulayıb ki, təzminatını istəyəcək Santuşa veriləcək pul da yoxdur:
"Beləliklə, problem də, Santuş da qalacaq. Yüz dəfə deyirik, amma AFFA-nın vecinə deyil.
Yerli futbol mütəxəssislərimiz, məşqçilərimiz küçədə "it döyür". Amma onlar gedib xaricdən mənasız məşqçilər gətirir.
Onlar da bura gəlib 6 oyunda bir xal qazanırlar, nəticələr də göz önündə”.
.png)
.jpg)
.jpg)
