17 yaşadək futbolçulardan ibarət Azərbaycan millisi Avropa çempionatının seçmə mərhələsində 6-cı qrupun I turu çərçivəsində Macarıstana 0:4 ilə məğlub olub.
Sportinfo.az xəbər verir ki, yığmamızın baş məşqçisi İlham Yadullayev oyundan sonra AFFA-nın rəsmi saytına fikirlərini bildirib:
“Rəqib güclü komanda idi. Buna baxmayaraq, oyuna çox yaxşı hazırlaşmışdıq.
Əsas problemlərdən biri ilk dəqiqələrdə ardıcıl iki qol buraxmağımız oldu. Bu, matçın gedişatına da təsir göstərdi.
Oyunu çevirməyə, hücumlarda çox iştirak etməyə çalışdıq. Ancaq həmin anlarda üçüncü qolu buraxdıq.
İkinci hissədə üstünlük bizim tərəfimizdə idi, qol imkanları da yaradırdıq. Təəssüf ki, rəqib əks-hücumdan dördüncü qolu vurdu.
Ümumilikdə uşaqlar yaxşı oyun nümayiş etdirməyə çalışdılar. Macarıstanla görüşü yaddan çıxarıb, qarşıdakı iki matça hazırlaşacağıq.
Artıq bütün diqqətimizi Yunanıstanla oyuna yönəltmişik. Həmin qarşılaşmada uğurlu nəticə qazanmaq üçün əlimizdən gələni edəcəyik”.
U-17 millimizin Yunanıstanla oyunu noyabrın 16-da, Bakı vaxtı ilə saat 14:00-da Rumıniyanın “Tunari” stadionunda keçiriləcək.
.gif)
.gif)
.jpg)
.gif)
