21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində sonuncu oyununa çıxıb.
Sportinfo.az xəbər verir ki, F qrupunda yer alan millimiz 10-cu matçında İngiltərənin müvafiq yaş qrupundan ibarət komandası ilə qarşılaşıb.
Bristol şəhərində yerləşən “Eşton Qeyt” stadionunda keçirilən görüş meydan sahiblərinin 7:0 hesablı qələbəsi ilə yekunlaşıb.
Bu nəticədən sonra komandamız 3 xalla qrupu 6-cı pillədə başa vurub.
İngiltərə (U-21) - Azərbaycan (U-21) 7:0
Qollar: Kresvell, 2, Doyli, 27, Makatee, 55, Cəlal Hüseynov-avtoqol, Anderson, 72, Skarlett, 86, Hatkinson, 90
Eşton Qeyt stadionu. Saat 22:30
Baş hakim: Ivana Martinčić
Baş hakimin köməkçiləri: Sanja Rodjak-Karšić, Maja Petravić
Dördüncü hakim: Sabina Bolic
(Hakimlər briqadası Xorvatiyadandır)
Hakim-inspektor: Jens Larsen (Danimarka)
UEFA nümayəndəsi: Ignas Marcinkevičius (Litva)
N | Komandalar | O | Q | H | M | T-F | X |
1 | İngiltərə | 10 | 8 | 1 | 1 | 41-6 | 25 |
2 | Ukrayna | 10 | 8 | 0 | 2 | 20-7 | 24 |
3 | Serbiya | 10 | 5 | 1 | 4 | 13-18 | 16 |
4 | Şimali İrlandiya | 10 | 3 | 2 | 5 | 10-10 | 11 |
5 | Lüksemburq | 10 | 2 | 2 | 6 | 6-23 | 8 |
6 | Azərbaycan | 10 | 1 | 0 | 9 | 4-30 | 3 |