Azərbaycan millisi Millətlər Liqası çərçivəsində Estoniya və Slovakiyaya qarşı oyunlar üçün təlim-məşq toplanışına başlayıb.
Sportinfo.az xəbər verir ki, komandanın hazırlıq prosesi bu gün start götürüb.
Millimiz 8-9 oktyabr tarixlərində Neftçi Futbol Mərkəzində məşq keçəcək.
Komanda oktyabrın 9-da, saat 15:00-da Estoniyanın paytaxtı Tallinə yollanacaq. Baş məşqçi Fernandu Santuş millini oktyabrın 10-da, Bakı vaxtı ilə saat 18:00-da “Lilleküla” stadionunda Estoniya seçməsi ilə oyunöncəsi son məşqə çıxaracaq
. Millimiz Estoniya yığması ilə görüşdən bir gün sonra – oktyabrın 12-də səhər məşqə çıxacaq, Bakı vaxtı ilə saat 14:00-da isə Bakıya qayıdacaq.
Oktyabrın 13-də, saat 17:00-da Tofiq Bəhramov adına Respublika Stadionunda Slovakiya yığması ilə oyunöncəsi son məşq olacaq.
Azərbaycan C liqasının 1-ci qrupu çərçivəsində oktyabrın 11-də “Lilleküla” stadionunda Estoniya yığması ilə, oktyabrın 14-də isə Tofiq Bəhramov adına Respublika Stadionunda Slovakiya seçməsi ilə qarşılaşacaq.
Hər iki oyun eyni vaxtda – saat 20:00-da başlayacaq.
.jpg)
.jpg)
