Fernandu Santuşun Polşa millisindəki fəaliyyəti xatırlanıb.
Sportinfo.az xəbər verir ki, Polşa mətbuatında Azərbaycan milli komandasının baş məşqçisi vəzifəsinə təyin olunmasına da toxunublar:
"Santuş AVRO-2024-ün seçmə mərhələsində Polşa millisini tərk edəndə komandamız turnirə vəsiqəni təmin edəcək vəziyyətdə deyildi.
Əgər ixtiyarınızda Levandovski və digər böyük oyunçular ola-ola, onlardan yararlanmağı bacarmamısızsa, yaxşı iş gördüyünüzü deyə bilməzsiniz.
Ola bilsin ki, Santuş özünü Azərbaycan kimi daha çox müdafiə olunan komandada sübut edəcək.
O, daha çox müdafiə futboluna yönəlib, çox güman ki, komandası uzun müddət topa nəzarət etmək məcburiyyətində qalmayacaq".
AFFA Santuşla 3+1 illik müqavilə imzalayıb.
