!["Qarabağ"lı Əli vurdu, milli Albaniya ilə heç-heçə etdi](https://www.sportinfo.az/media/2024/06/19/199962_2ejhft2f4m.jpg)
Albaniyanın Dürres şəhərində təlim-məşq toplanışında olan 17 yaşadək futbolçulardan ibarət Azərbaycan milli komandası yoldaşlıq görüşü keçirib.
Sportinfo.az xəbər verir ki, U-17 hazırlıq çərçivəsində “Eqnatia Arena”da meydan sahiblərinin müvafiq yaş qrupundan ibarət komandası ilə qarşılaşıb.
Oyun 1:1 hesablı heç-heçə ilə yekunlaşıb. Millimizin heyətində qolu 13-cü dəqiqədə "Qarabağ"lı yarımmüdafiəçi Əli Qazibəyov vurub.
Albaniya ilə Azərbaycan komandaları arasında ikinci yoldaşlıq görüşü iyunun 19-da keçiriləcək. “Eqnatia Arena”da təşkil olunacaq matç Bakı vaxtı ilə saat 20:00-da başlayacaq.