"Rostov"un sabiq futbolçusu Matias Normanın keçmiş sevgilisi Vyoletta Qraçeva ilə "Zenit"in futbolçusu Andrey Mostovoy arasında 2022-ci ildə münasibətlərə dair şayiələr var idi.

Həmin vaxt Sankt-Peterburqda qayıqla gəzintidən çəkilən eyni videolar gənclərin "İnstaqram" hekayələrində peyda oldu.

Keçən ilin sonunda rusiyalı modelin "Çelsi"nin ukraynalı cinah oyunçusu Mixail Mudriklə münasibəti haqqında məlumat ortaya çıxdı.

Bu, hər kəsi təəccübləndirdi. Çünki iki ölkə arasındakı münasibətlərin belə olduğu bir vaxtda onların bir araya gəlməsi olduqca qəribə addım idi.

Ancaq Mostovoy, heç bir şəkildə bu vəziyyətdən narahat olmayıb. O, Vyolettanın sosial şəbəkələrdəki paylaşımlarını inadla bəyənməyə davam edir.

Qraçeva Sibirdə anadan olub. Məktəbi bitirdikdən sonra Moskvaya köçüb, burada Bauman adına Moskva Dövlət Texniki Universitetində ali təhsil alıb. Eyni zamanda modellik biznesinə başlayıb və fəaliyyətini bu istiqamətdə davam etdirib.

2019-cu ildə o, Normanla tanış olub. "Rostov" ilə müqavilə bağlayan norveçli futbolçu Rusiyaya yenicə gəlmişdi.

Münasibətlər sürətlə inkişaf etdi. Futbolçu hətta Vyolettanı valideynləri ilə tanış etdi və onlar 2020-ci ilin gəlişini bütün ailə ilə qeyd etdilər.

Cütlüyün dəqiq nə vaxt ayrıldığı bəlli deyil. 2023-cü ilin əvvəlində Qraçeva yenidən Normanla bir fotoşəkil paylaşdı. Ancaq şəkili tezliklə sildi.

Hazırda o, Mudriklə eşq yaşayır. Tənqidlərdən sonra cütlük münasibətlərini cəmiyyətdən gizlətməyə çalışır.