![”Burada yeni komanda qurulur, işləməkdən başqa yolumuz yoxdur”](https://www.sportinfo.az/media/2024/07/20/1701610537.jpg)
”İşləməkdən başqa yolumuz yoxdur”.
Bu sözləri Sportinfo.az-a açıqlamasında ”Kəpəz”in kapitanı Yeqor Xvalko deyib.
Gəncə təmsilçisi ilə müqavilə müddətini 1 il uzadan belaruslu müdafiəçi komandanın mövsümlərarası fasilədə xeyli dəyişdiyini bildirib.
O, iyundan bəri xeyli sayda futbolçunun düşərgəni tərk etməsini xatırladıb, çətin mərhələdən keçdiklərini söyləyib:
” Burada yeni komanda qurulur. Anlaşma səviyyəsi baxımından, təbii ki, müəyyən axsamalar nəzərə çarpır.
Əksəriyyət kollektivə yeni qoşulub. Çempionatın startına az müddət qalsa da, avqustda tam hazır olmaq üçün əlimizdən gələni edəcəyik”.