“İlk xal əldə olunandan sonra özümüzə güvən də gəldi”.
Bu sözləri Sportinfo.az-a aşıqlamasında “Kəpəz”in qapıçısı Məmməd Hüseynov deyib.
O, “Azər Bağırovun gəlişindən sonra xallar yığmağa başladız. Yeni baş məşqçi komandada nələri dəyişə bildi” sualına cavabında bunları söyləyib:
“Adil Şükürovun vaxtında da yaxşı futbol oynamağa, xallar qazanmağa çalışırdıq. Onda komanda yeni yığılmışdı.
Adaptasiya prosesini arxada qoya bilməmişdik. Azər müəllim gələndən sonra həm yeni oyunçular gəldi, həm də yeni baş məşqçi kimi kollektivə yeni nəfəs gətirə bildi.
İnşallah, bu mövsüm istəyimizə çatarıq, Premyer Liqada qalarıq. Hamımız bunun üçün əziyyət çəkirik”.
